حمام بخار للمنطقة الحساسة

[ندعوك للتسجيل في المنتدى أو التعريف بنفسك لمعاينة هذه الصورة]
معلش هستاذن منكم موضوعي النهاردة عن المنطقة الحساسة وديه اول مرة اعمل موضوع عنها لاني بتكسف بصراحة اتكلم عن المواضيع الحساسة ديه.
ولكن اانا اعطيت الوصفة ديه لواحدة علي الخاص جربتها و في الحقيقة من الدعاء اللي ارسلته لي طمعت واتشجعت قلت بقي نزليه عالعام و اهه دعاء في الايام المفترجة ديه افضل مكسب من اخواتي و الموضوع ده هدية مني لكم ان شاء الله بشرط الدعاء اتفقنا؟
[ندعوك للتسجيل في المنتدى أو التعريف بنفسك لمعاينة هذه الصورة]
هنتكلم النهاردة عن ازاي نعمل حمام بخار للمنطقة الحساسة بطريقة بسيطة وسهلة ان شاء الله ومن غير تعقيدات والا محتاجة وقت والا ادوات و الا افتكاسات كتير.
والنتيجة بامر الله تعالي ممتازة ممتازة من هنا لبكره
نضافة وتخلص من الجلد الميت و ملمس ورائحة وشد كده وحاجات كتيرة اتكسف اقولها واهم حاجة انتي هتحسي بنفسك بالتغيير وساعتها ابقي ادعي لي.
وتقدري تعملي الطريقة ديه كل اسبوعين كل شهر مش مهم قد ما تلاقي عندك وقت نفذي مفيش مشاكل بس طبعا مش كل يوم يعني.
و تنبيه مهم الموضوع ده
للمتزوجات بس
للمتزوجات بس
ممنوع للحوامل
ممنوع للحوامل
الموضوع مش طويل علي فكرة بس الشرح بالتفصيل الممل قوي
[ندعوك للتسجيل في المنتدى أو التعريف بنفسك لمعاينة هذه الصورة]
الادوات المستعملة:
1- كرسي خشب بضهر (زي كراسي السفرة كده)

وياسلام بقي لو عندك الكرسي ده تبقي سكر قوي.
2- ليفة مغربي او وجدت او قطعة بحجم ايدك كده من بلوفر صوف قديم عندك بس تكون ناعمة مش خشنة وبشرط انك ما تقطعيش بلوفر زوجك الجديد عشان تاخدي منه الحتة ديه لو سمحتي.
وملحوظة مهمة القطعة الصوفية الناعمة ديه نتيجتها احسن من الليفة المغربي.

[ندعوك للتسجيل في المنتدى أو التعريف بنفسك لمعاينة هذه الصورة]
3- من العطار روحي اشتري الحاجات ديه لو سمحتي:
- طمي مغربي من اللي بيتشري بالكيلو (مش غالي علي فكرة تقريبا التمن كيلو بتلاتة اربعة جنيه حسب مانا فاكرة ومعلش لو الرقم غلط لاني فاقدة الذاكرة تقريبا).
- زيت سمسم خام (ممكن ما تلاقيش سايب هاتي المتعبي في زجاجات انتاج شركات زي الكابتن او اصالة الماضي سعره مش غالي في حدود سبعة جنيه كده).
- زيت زيتون مخصوص للبشرة ان وجد وان ما وجدتش هاتي اي زيت زيتون بس هناخد منه كمية صغيرة قوي لان زيت الزيتون اللي مش مخصوص للبشرة بتكون لزوجته عالية شوية.
- اوراق بابونج ونعناع كاملة (مش غالية برضه ممكن تجيبي بجنيه من ده وبجنيه من ده).
- زجاجة ميه ورد (مش غالية برضه بجنيه ونص اتنين جنيه).
- شاي اخضر عادي اي نوع ممكن من انتاج ليبتون او اي حاجة تانية ولو تقدري تشتريه مفرط مفيش مشكلة مش عاوزين كتير.
[ندعوك للتسجيل في المنتدى أو التعريف بنفسك لمعاينة هذه الصورة]
4- من الصيدليه اشتري علبة مناديل المبللة الخاصة بالاطفال او اذا قدرتي تلاقي المناديل الخاصة بالمناطق الحساسة يبقي خير وبركة.
موجودة في مصر علي فكرة المناديل الخاصة بالمناطق الحساسة من انتاج شركة ايزي كير بس مكنتش علي طول بلاقيها فممكن تستبدل بمناديل الاطفال المبلله بالكريم الخالية من الكحول.
ومناديل جونسون للاطفال اختيار كويس (سعرها مش فاكراه)

وهنحتاج كمان زيت بيبي اويل من جونسون (سعر الزجاجة تقريبا 12 جنيه الحجم الكبير)

[ندعوك للتسجيل في المنتدى أو التعريف بنفسك لمعاينة هذه الصورة]
5- حلة حبنا الحلوة كده يكون حجمها متوسط و طبق صغير وشوية سكر حبته صغيرة زي سكر الاسرة كده ومعلقتين ملح خشن او اي ملح متوفر.
[ندعوك للتسجيل في المنتدى أو التعريف بنفسك لمعاينة هذه الصورة]
التجهيز:

1- هتملي الحلة ميه وتحطيها علي البوتجاز وتحطي فيها شوية من ورق النعناع وورق البابونج والشاي الاخضر والملح وتسيبوهم لحد ما يغلوا كويس جدا جدا جدا.

2- هترفعي الحلة من علي النار طبعا هتبقي سخنة مولعة والبخار الخارج منها مولع هتبرديه بايه ياقمر بقي
هتحطي كباية خليط نصها من ميه الورد اللي اشتريتها ونصها ميه من الحنفيه كده درجة حرارة البخار كويسة مش عالية قوي مناسبة.

3- هنجيب بقي الطمي المغربي البودر ناخد منه معلقة ونص تقريبا مع معلقة من السكر اللي حبته ناعمة مش خشنة و معلقة زيت زيتون ومعلقة زيت سمسم ومعلقتين زيت ورد (الكميات ممكن عندك تختلف بس المهم يبقي القوام النهائي عامل زي الكريم كده لا خفيف و الا تقيل بس الكميات كده ان شاء الله مظبوطة).

4- المنطقة الحساسة المفروض انك عاملة لها ازالة شعر علي الاقل قبل الحمام ده بيوم مش في نفس اليوم عشان البشرة ما تلتهبش خدي بالك.

[ندعوك للتسجيل في المنتدى أو التعريف بنفسك لمعاينة هذه الصورة]
التنفيذ:

1- هتاخدي الكرسي ابو ضهر الخشب الجميل ده وتخلي ضهره للارض يعني يبقي كانه نايم علي الارض يعني ضهر الكرسي مفرود علي الارض هو ورجليه الورانية ورجله الامامية بس هي اللي لفوق فاهمين قصدي.
ولو عندك الكرسي التاني ده زي الفل هسنتعمله زي ماهو.

2- هتاخدي مناديل جونسون وتمسحي بيها منطقة البكيني وبين الفخذين و المنطقة الحساسةخارجيا بس بكرر واقول خارجيا (ولو مش عارفة يعني ايه خارجيا ما تسالنيش لاني مش هقولك ) وبالنسبة للمنطقة الخلفية من المنطقة الحساسة برضه بنفس الطريقة هتمسحي بالمناديل
ولازم تاخدي بالك تغيري المنديل من مكان لمكان عشان ما تنقليش العدوي لاقدر الله لو فيه اي حاجة من هنا لهنا.

3- هتجيبي حلة الاعشاب اللي طالع منها البخار ريحته تشرح القلب كده وتحطيها علي الارض جوه الكرسي فاهمة فين بين الاربع رجلين بتوع الكرسي وهو نايم علي الارض.
وفي حالة استعمال الكرسي التاني هتحطيها تحت القاعدة مباشرة.

4- هتقعدي سيادتك بقي في حالة الكرسي التاني طبعا عالقاعدة مباشرة
وفي حالة الكرسي الاولاني العادي هتقعدي فوق الرجلين العلوية للكرسي بس رجليكي منبسطتين لبره يعني رجلك اليمين بره رجل الكرسي اليمين وهكذا بالنسبة للشمال بحيث ان حلة البخار ديه تحت المنطقة مباشرة.
مفهوم الكلام والا مش هقول كمان افهموا براحتكم بقي.

5- هتتعرضي للبخار شوية كده قد عشر دقايق لحد ما تحسي ان المنطقة اتشبعت بالبخار كده ورطبت شوية.

6- هتفردي علي المنطقة خارجيا الطمي المغربي المخلوط اللي قلت لك عليه فوق و تدهني كمان بين الافخاد وترجعي تاني لحلة البخار بنفس الوضع القديم و شوية كده وافركي بالراحة جدا جدا باستعمال الليفة او قطعة الصوف اللي قلنا عليه
افركي بالراحة خالص خالص وكانك بتعملي مساج لحد ما تحسي ان فرافيت الخلطة ديه بتنزل في الارض افضلي لحد ما كل الخلطة تقع خالص و استني لحد ما البخار يبرد خالص خالص وما يبقاش فيه بخار.
(فيه ناس هتسالني ليه ما نفردش الطمي المخلوط ده قبل التعرض للبخار خالص هقولك الجلد كل ما يكون جاف كل ما بيبقي الفرك فيه مولم شوية و ممكن يسبب تجريح للبشرة الحساسة في المنطقة ديه لاقدر الله انما الجلد وهو مرطب شوية بيكون سهل الفرك و من غير مشاكل ان شاء الله)

7- قومي بقي اغسلي كويس بالميه العادية و اتخلصي من كل اثار المعركة السابقة ولو اتبقي من الطمي المخلوط اي حاجة تقدري تستعمليه علي منقطة الابط وافركيه برضه مش مهم حتي لو الجلد مرطب.

8- نشفي بطريقة الطبطبة مش بالمسح وتعالي علي المنطقة الحساسة بقي وادهنيها كلها بزيت الاطفال ويفضل لو تستعملي فوطة صحية يومية كده لان احيانا ممكن تنزل افرازات او رطوبة من المكان فبدال ما تبهدل الهدوم يبقي الفوط الصحية اليومية افضل كتير واوعي تستعملي المناديل الورقية من فضلك بدالها.

[ندعوك للتسجيل في المنتدى أو التعريف بنفسك لمعاينة هذه الصورة]
بس كده خلاص خلصنا الحمد لله
[ندعوك للتسجيل في المنتدى أو التعريف بنفسك لمعاينة هذه الصورة]
الموضوع ده انا تعبت فيه قوي ويعلم الله ذلك عشان يكون حصري جدا جدا [ندعوك للتسجيل في المنتدى أو التعريف بنفسك لمعاينة هذه الصورة]

[/size][/b][/center]
[/size][/b][/center]
[/size][/b]

[/center]

شكرا لك على الموضوع الجميل و المفيذ ♥

جزاك الله الف خير على كل ما تقدمه لهذا المنتدى ♥

ننتظر ابداعاتك الجميلة بفارغ الصبر

شكرا بارك الله فيك

[ندعوك للتسجيل في المنتدى أو التعريف بنفسك لمعاينة هذه الصورة]

انا مكسوفه

» حمامات بخار روعه
» ستائر حمام روووعة¤
» آرواب حمام للاطفال