اخبي دمعتي بضحكة تفضح كل عناويني

تعال اعزف على جروحي مواويل الحزن وياي
تعال وعزي احساسي بهموم (ن) ربت فيني

اساير موكب احزاني وتمسح دمعتي يمناي
اخبي دمعتي بضحكة تفضح كل عناويني

ابين ضحكتي للناس واحس الموت انا بحشاي
انا وشلون اجاريهم وكل ما فيني ينهيني

اناديلك وصدى صوتي يردد صرختي برضاي
انادي وشهقة انفاسي باسمك لي تناديني

تعال وبدد احزاني وجروح ماكنة جواي
الا ياضحكة غابت شوفي وش جرى فيني ؟

غرقت بعبرة احزاني وعجزت اوصل انا لمرساي
انا ما احتاج ابد غيرك ولا غيرك بيواسيني

اذا لي خاطر( ن ) عندك واذا ما ودك بفرقاي
تجيني قبل لا تذبل زهور الشوق بيديني

تعال وخذني من ايدي .. تعال وخذني من دنياي
تعال وشوفني بعينك وربي ما تخليني

ابي لا قلت محتاجه تقول بشوق انا لك جاي
تداوي جروح غلطانه وعنى ايامي تنسيني

اخاف تجيني متاخر وما تلقى سوى ذكراي
بعدها ما يفيد اللوم لو تصرخ تناديني

بارك الله فيك
شكرا لك
موضوع ممتاز تسلم اديك
تحياتي

[ندعوك للتسجيل في المنتدى أو التعريف بنفسك لمعاينة هذه الصورة]

كلمات جميلة

[ندعوك للتسجيل في المنتدى أو التعريف بنفسك لمعاينة هذه الصورة]

كل الشكر والتقدير والاحترام لك
على موضوعك الرائع
بارك الله فيك