الثعلب المكار حدوتة للاطفال

كان يا ما كان في قديم الزمان وما يحلى الكلام الا بذكر النبي -عليه الصلاه والسلام-

-صلى الله عليه وسلم-

كان فيه تعلب مكار وشرير خالص
اسمه تعلوب
تعلوب كان بقاله يومين ما اكلش خالص وبيدور على اى اكل يسد جوعه
وبعدين من بعيد بيبص كده لقى خن فراخ والخن هو بيت الفرخه يا قمامير
قال : بس والله وفرجت يا واد يا تعلوب وهتاكل وراك فراخ ملظلظه[/size]

[ندعوك للتسجيل في المنتدى أو التعريف بنفسك لمعاينة هذه الصورة]
فضل يتسحب يتسحب لغايه ما وصل عند شباك الخن وفضل يبص من تحت لتحت عشان يشوف
كام فرخه ملظلظه هياكلها
بس تعلوب اتخض من اللى شافه
لقى 7 كتاكيت صغنين خالص ميملوش عينه
زعل واتضايق اوى وقال : هعمل ايه بقى نصيبي كده 7 كتاكيت بس

وفضل يفكر ويفكر ويفكر ازاى هيقدر يستدرج الكتاكيت لبره الخن من غير ما يشكوا فيه ؟؟؟
وهوووووووبا جت الفكرة فى باله

راح جاب شويه درة مجروشه وقام بادرها قدام خن الكتاكيت
وخبط بشويش
[ندعوك للتسجيل في المنتدى أو التعريف بنفسك لمعاينة هذه الصورة]
قاموا الكتاكيت بسرعه جريوا عند الباب وهم فرحانين افتكروا ان ماما جت
بس اخوهم الكبير فصيح قالهم اياكم تفتحوا الباب انتم نسيتم تحذير ماما
قالت منفتحش الباب ابدا الا لما نتاكد مين ورا الباب
وقام رايح يبص من العين السحريه لقى ان مفيش حد خالص
بس شاف كميه من الدرة الشهيه مبدورة قدام الباب بتاعهم
حكى لاخواته وقالهم نعمل ايه دلوقتى ؟؟
قالوله نفتح الباب وناكل طبعا طالما مفيش حد

قالهم لا الموضوع غريب احنا نستنى لما ماما تيجي وتدينا الامان نروح ناكل الدره قصادها احسن
قالوله صح كلامك لما نستنى بقى ماما تيجى
اخو فصيح الصغير مش بيسمع الكلام راح اتسحب اتسحب اتسحب وفتح الباب وخرج فى الخباثه
وقال : الله كل دى درة ولى لوحدى
يا سلام على ذكاءك يا غلباوى سيبتهم جوة وانت طلعت تاكل لوحدك احسن ما كانوا خلصوا الاكل
هههههههههههههههههه
قال استنى ماما لما تيجي قال وبعد كده مش هنوب ولا حبايه

[ندعوك للتسجيل في المنتدى أو التعريف بنفسك لمعاينة هذه الصورة]
وفضل ياكل
وتعلوب بيراقبه وعنده امل ان اخوات الكتكوت الغلباوى يطلعوا عشان ياكلهم كلهم انما ابدا محدش طلع
فقال يعنى انا هاكل الكتكوت ده بس انا كده مش هشبع
المهم قام ناطط على غلباوى ومسكه فى ايده وكتم صوته واخده على بيته وربطه كويس اوى

[ندعوك للتسجيل في المنتدى أو التعريف بنفسك لمعاينة هذه الصورة]
وقاله استنانى لما امسك بقيه اخواتك عشان اعمل احلى شوربه كتاكيت
وغلباوى المسكين يعيط ويقول ادى اخره الطمع يا ريتنى سمعت كلام فصيح

عم تعلوب جاب كميه ديدان ملظلظه وحطهم في صندوق وراح خبط على باب الكتاكيت
قالوا مين ؟؟؟ قالهم انا ساعي البريد وفيه طرد جاى باسمكم افتحوا بقى
جريوا يفتحوا بس فصيح وقفهم وقالهم ايه اللى يضمنكم ان فيه طرد اصلا
احنا نستنى ماما لما تيجى تفتح الطرد بنفسها ولا ايه؟؟؟
قالوله ماشي يا فصيح

بس اتنين من الكتاكيت كانوا بيخططوا انهم يروحوا يفتحوا الطرد من غير ما حد ياخد باله واتفقوا على كده
مش جايز الطرد فيه حلويات ومصاصات وحاجات حلوة يلحقوا ياخدوا نصيبهم قبل ما هجوم التتار يحصل على الطرد
واتسحبوا بشويش وخرجوا وفتحوا الطرد
ويا سلام ع الجمال ايه الديدان الملظلظه الجميله دى هو ده الكلام
وفضلوا ياكلوا
والتعلب خلاص هيفرقع من الغيظ اتنين بس ؟؟؟؟؟؟؟؟؟؟؟
هعمل ايه بقى اخدهم احسن من مفيش

[ندعوك للتسجيل في المنتدى أو التعريف بنفسك لمعاينة هذه الصورة]
وهوبااااااااااااااااااااااااا هجم عليهم وكتم صوتهم واخدهم ع بيته وربطهم جنب اخوهم

[ندعوك للتسجيل في المنتدى أو التعريف بنفسك لمعاينة هذه الصورة]
وقال وبعدين بقى كده انا هموت من الجوع قبل ما اجمع بقيه الكتاكيت
بس لازم اجمعهم عشان اكلهم مره واحده الموضوع يستاهل
وفجاه لقى حد بيخبط على باب بيته
قال مين؟؟
قالتله : انا الفرخه سوسو ولادى الاربعه عيانين وكنت محتاجه انك تكشف عليهم

[ندعوك للتسجيل في المنتدى أو التعريف بنفسك لمعاينة هذه الصورة]
قال : دى احلوت اوى فورا هكون عندك يا سوسو اسبقينى انتى بس
طبعا سوسو دى مامه الكتاكيت الصغنين وشافت اللى حصل لولادها الصغنين وهم بيفتحوا الطرد
فقالت لازم تنتقم من تعلوب
تعالوا نشوف عملت ايه؟؟؟
راحت الخن طلعت اولادها من جوه وخبتهم عند جارتها وطبعا كلهم مرعوبين لان 3 من اخواتهم اتخطفوا

[ندعوك للتسجيل في المنتدى أو التعريف بنفسك لمعاينة هذه الصورة]

بس هي

هدتهم وقالتلهم ان شاء الله هنرجعهم متقلقوش

وجه تعلوب قالها فين الكتاكيت العيانين يا سوسو؟؟؟
قالتله جوة الخن ادخل هتلاقيهم فى اخر العشه
المهم دخل تعلوب وقامت هى قافله الباب
وجابت سيخ محمى
وفضلت تشك تعلوب بيه
وتقوله بقى عاوز تاكل اولادى كلهم
ليه كده؟؟
انا عملتلك ايه ؟؟
وهو يقول حرمت خلاص توبه
هرجعهملك بس بلاش السيخ المحمى وهى ابدا لازم يتلسع عشان يحرم
خلت جارتها تجيب الكتاكيت من بيت تعلوب
ولما اطمنت انهم كويسين قامت لاسعه تعلوب كمان مرة وقالتله عشان تبقى تحرم تيجى عند بيتى تانى
وفتحتله الباب وهو جرررررررررررررررررررررررررررى
حضنت اولادها جامد وحمدت ربنا انهم بخير بس عاتبتهم وقالتلهم لازم تسمعوا
كلامى انا اكتر واحده بخاف عليكم فى الدنيا دى ولازم تسمعوا كلامى وكلام
اخوكم فصيح واياكم والطمع لقمه صغيره تقضينا كلنا
وطالما ماما مش موجوده فى البيت منفتحش الباب ابدا لاى حد
اعتذروا لمامتهم جامد ووعدوها يسمعوا كلامها
وتوته توته خلصت الحدوته

[/size]

حلووووووووة كتير
وهلئ اكيد سار وقت النوم

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» تقويم النفس حدوتة للاطفال
» غرف للاطفال
» خبز للاطفال