علي المسطبه (البس جلابيه وانت داخل)

بسم الله الرحمن الرحيم
اهلا بكل من لبس الجلابيه وهيشارك معانا علي المسطبه ( تحت التوته )
احنا فرشنا الحصيره
ومستنين اصحابنا يتفضلوا يقعدو معانا وندردش شويه و نتكلم مع بعض في مشاكلنا بطريقه دمها خفيف كدا وهي فرصه نعرف بعض اكتر
وهنبعت ونجيب لب ونقزقز وممكن نجيب توت كمان
( هقوم معاكم بالواجب)
يارب المصطبه تعجبكم

ولا رد معجبتكوش ولا ايه

سيناريو جميل ولو يبقى حقيقى يبقى اجمل
وانت يامونى صاحبة واجب
وسواء لب او توت كله من ايديك يبقى عسل ياعسل
انا عايزة اقول احنا رايحين على فيين
احنا الشباب
لاامل فى زواج ولاوظيفة طيب لازمتها ايه الحياه
محدش يقول انا متشائمة للاسف هى دى الحقيقه

توت يامونى انا بحب التوت
وانت يااميرة جيتى على الجرح وضغطى قوى حرام عليكى
فين المستقبل
فين حصاد السنين فى التعليم
فين وفين
كفاية اصل هابكى

اميرة الليالى

انتى الاحسن ياقمرررر
لكن ليه يائلبى معندكيش امل كل شئ فى الدنيا فيه امل بيكى انتى
انتى قادرة على انك يبقى عندك امل او يأس
جربى كده تعيشى بالامل ولو مرة
صحيح الدنيا صعبة لكن جربى يكون عندك هدف
اسعى وراه لانه مش حيجى لحد عندك اكيد
اتمنى ان تسعى وتجربى وانشاااااااء الله ربنا حيوفقك
اسعى ياعبد وانا اسعى معااااك

تحياتى ليكى ياقمررر

نجمة السماء

بدووووووووووون دموووووووووع
ولاعمرك تبكى ابدااا انشاااله
ونفس الكلام لاميرة هو لكى
على فكرة مش ماندرسه نعمل به ولللاسف ده حال بلادنا
لكن اسعى فى فى فتح اى مجال للعمل غير دراستك
لازم يكون عندك هدف من اجل ان تصلى الى ما تريدى
واهم شئ الامل عيشى عليه فكثيرااا مايحقق بعض الشئ
جربى ولاتستسلمى ابدااااا

يامونى ياختى
الامل والصبر والهدف دا كلام زى بتوع السيما
انا مع اميرة ونجمة السماء

بنت المنصورة
اهلا بك واشكرك على تواجدك
والكلام ده مش زى بتوع السيما ولا حاجة
الامل كل انسان عايش عليه والصبر من صفات الانبياء يبقى ازاى زى بتوع السينما
واللانسان من دون هدف يعيش له ليحققه مايستحق ان يعيش اختى
امال احنا عايشين ليه بالظبط

» علي المسطبه (البس جلابيه وانت داخل)
» انا وانت
» كيف اغضبك وانت ربى