يوم الامتحان تُكرم الثورة أو تٌهان

[size=25]يوم الامتحان تُكرم الثورة أو تٌهان
******************************
[ندعوك للتسجيل في المنتدى أو التعريف بنفسك لمعاينة هذه الصورة]

مستنين اية ؟! ... محتاجين مين يقنعكوا ؟!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
شباب التحرير هو السبب فى اللحظه التاريخيه ديه
شباب التحرير وراء كشف الفساد
شباب التحرير وراء خلع مبارك
شباب التحرير وراء خلع شفيق
شباب التحرير وراء حل مجلسى الشعب والشورى المزورين
شباب التحرير بيقول لاء لترقيع الدستور ؟
وانت لسه مش واثق فينا
نعملك إيه تانى
دم ودفعنا ... ضرب وإنضربنا
حريه وجبنها... دستورك لا يصلح
دلوقتى دورك..محتاجينك معانا
,,,,,,,,,,,,,,,,,,,,,,,,,,,,,,,,,,,,,,,,,,,,,
"نعم " يعني احياء دستور 71 المرقع
و"لا " تعني اعلان وفاته ووضع دستور جديد لعهد سعيد
,,,,,,,,,,,,,,,,,,,,,,,,,,,,,,,,,,,,,,,,,,,,,
لان لو نعم هيتم عمل انتخابات المجالس التشريعية و بالتالي استدعاء المواد
المرتبطة بها ثم انتخاب الرئيس و استدعاء مواد سلطاته من الدستور و الف
مبروك عاد دستور 71 و رجعنا 40 سنه ورا وراح دم الشهيد والف مبروك للاخوان
و الحزن الواطي و البهايم علي مستقبل مصر وخلينا ننتظر بقى طلب الرئيس
الجديد خلال ستين يوم من تعينة بموافقة مجلس الوزراء ونصف أعضاء مجلسى
الشعب والشورى لينتخبوا جمعية تأسيسية من 100 شخصية يقوموا بوضع دستور
جديد ومن أين نضمن أن الفصائل السياسية التي ستكون أكثر تمثيلا في
البرلمان سوف تسمو على أغراضها وتنحاز إلى المصالح العليا للوطن وليس إلى
رغباتها في الاستمرار في السلطة وتهيئة المناخ لنفسها لمزيد من المكاسب
الانتخابية والسياسية مستقبلا ؟! يعرض علينا فى إستفتاء بردة ونقول نعم
بصرف النظر عما يحوية هذا الدستور وحتى لو دة حصل فى الحالة دى هايتحل
مجلس الشعب والشورى وتبطل إنتخابات الرئاسة لية ؟ّ! لأنها جائت من خلال
دستور ملغى أصلاً الحقيقة الموضوع فية لبس كبير على معظم الناس خاصة اللى
مابيمرسوش السياسة ومش معنين اساساً ودول كتير من اهلنا بس لما تسئل حد
منهم هايصوت لماذا بنعم يقولك انا خايف على البلد والإقتصاد ومستقبل مصر
وعوزين نتجاوز المحنة دى والفترة دى وكفاية كدا ... نفس الكلام اللى كنا
بنسمعة طول ايام الثورة وما بعدها وحتى رحيل الفريق شفيق ... وهنا سؤال
أرجوكم حاولوا الإجابة علية ( الفرخة الأول ولا البيضة ؟! بناء البيت
أولاً ولا السكن بة ؟! عمرك لعبت لعبه من غير ما تعرف قوانينها ؟!!! ينفع
ابقي الرئيس و بعدين يعملولي دستور يقولولي فيه هتحكمنا ازاي!!! طب مش فيه
احتمال ميعجبنيش؟؟!! ساعتها هيحصل ايه ؟! هو ده الاستقرار؟! يقول الدكتور
مصطفى محمود (هناك من يناضلون من أجل التحرر من العبودية .. وهناك من
يطالبون بتحسين شروط العبودية) يا سادة يا سكر زيادة لا تخشوا على مصر
والمصريين ولا تعطوهم الفرصة لوضع العربية أمام الحصان ... الشعب المصرى
عظيم فعلاً بس عاطفى بجد وكأننا مستكترين على نفسنا ناخد كل حقوقنا ونبدء
نعيش صح ... لا يجوز أن نضيق الدائرة في اللحظة التي يجب أن تتسع لتستوعب
الجميع لقد ذاق المواطن كل أشكال التهميش والتضييق حتى اختنق وثار رغبة في
قول كلمتة وفرض إرادته لأول مرة في تاريخ مصر فهل تضيق الدائرة في مخالفة
صارخة أم تتسع ليضع الشعب دستور لدولته الجديدة التي أرادها ديمقراطية
وضحى من أجلها بشهدائه الشعب وحده هنا هو صاحب ذلك الحق بصورة مباشرة وليس
نوابه الشعب وحده ينتخب لجنة لإعداد دستور وهو وحده يستفتى عليه ويقره
الأساس أن يشارك الشعب بكل فئاته وقواه بأغلبيته وأقليته خلاصة القول تنشأ
الدولة بدستور تبعاً له تنشأ وتنظم سلطات الدولة الرسمية (تشريع – تنفيذ –
قضاء) أو غير الرسمية ( قوى المجتمع الطبيعية من أحزاب وغيرها من مؤسسات
المجتمع المدني ) فهل يمكن أن نعكس الوضع وننشئ أي كيان أو سلطة رسمية
نوكل لها الأمر؟؟!! هل يجوز أن ننشئ السلطة التشريعية ( مجلس الشعب – مجلس
الشورى) أو التنفيذية ( رئيس – حكومة) وأي منهما يتولى عملية
وضع الدستور المنشئ للدولة؟؟؟؟؟!!!!!
الرأى لكم
( وإستفتى قلبك ولو افتوك )
حمى الله مصر والمصريين
الدكتور عمرو الحمزاوى بمكتبة الإسكندرية
: رفض المصريين للتعديلات لن يؤدي إلى استمرار الحكم العسكري - بوابة ال
[ندعوك للتسجيل في المنتدى أو التعريف بنفسك لمعاينة هذا الرابط]

شكرا على الشرح

دائما متميز في
الانتقاء
سلمت على روعه
طرحك
نترقب المزيد من جديدك الرائع
دمت ودام لنا روعه
مواضيعك

لكـ خالص احترامي

ان شاء الله الثورة مستمرة
بكل المصريين

» بيان عاجل لشباب الثورة
» تحية لشباب الثورة
» الثورة الثانية حوار هادئ بين مؤيد ومعارض