قررت أعيش بعزة النفس مجـروح

خلاص يكفي لا تزيدينـي جـروح
لا لا معاد أرضـى جـروحٍ جديـدة

ياما صبرت وقلت غالي ومسمـوح
وما أظنهـا يالقلـب ثانـي تعيـده

وأنتي جزاء صبري تزيدين بجموح
ا قلت لـكـ يكفـي لقيتـكـ عنيـدة

أخطيت يوم إني بحبي لـكـ آبـوح
يومي أقول أهـواكـ وانـك فريـدة

كنت أحسبكـ مثلي غرامكـ من الروح
واثرالمشاعر عنـد مثلـكـ زهيـدة

خذتي الهوى لعبة وضحكات ومزوح
في كل وقتٍ لـكـ ضحيـة وصيـدة

تستأنسين لشوفة الصـب مطـروح
في بحر حبكـ غرق وانتـي سعيـدة

من كل جرحٍ صار منّكـ ولـه نـوح
أبسـألـكـ بالله وش مستفـيـدة ؟

شيدت لكـ بالحب في قلبي صـروح
وقلت اسكني فيها تـراكـ الوحيـدة

وخليت باب القلب لرضاكـ مفتـوح
ويومٍ يشوفكـ فيه هـو يـوم عيـده

كنتي لي الإلهام وكنتي لـي البـوح
وكنتي قصيد الروح وروح القصيدة

وكانت لنا آمـال واحـلام وطمـوح
وكانت لنـا يامـا أمانـي عديـدة

عشتك بدنيا الحب شمسٍ لي تلـوح
واحترت بكـ ياللـي قريبـة بعيـدة

توي عرفت إن الذي بيننـا شـوح
وتوي دريت إني غديـت الطريـدة

حبٍ معكـ يا بنت مافيـه مصلـوح
جرح وحزن وآهات هـذا حصيـده

عني ابعدي روحي وأناعنكـ أباروح
أقولهـا ودمـوع عينـي شهيـدة

يجيكـ يومٍ فيـه تدريـن بوضـوح
عن قيمتـي وانـي لمثلـكـ فقيـدة

باصبر على فرقاكـ والصبر ممـدوح
حتى لـو الفرقـى عليّـه شديـدة

والله مااذل النفس في حب مملـوح
وحبٍ لجى في القلب لأقطع وريـده

قررت أعيش بعزة النفس مجـروح
وحبٍ يوطـي هامتـي مـاأريـده
ممآ راق لي

‫في غيابك لف دنياي السكون..
وفي وجودك تضحك احزاني وتهون

خلاص يكفي لا تزيدينـي جـروح
لا لا معاد أرضـى جـروحٍ جديـدة
شكرا
وربنا يوفقك

مشكوره اختى بنت المنصوره على مرورك

اسعدنى تواجدك