التورلى الشهى بالألوان الجميلة

** المقادير :

- خضار مشكل حسب الرغبة فى الانواع والكميات ,, مقطع تقريبا قطع متساوية
(( انا بستعمل جزر +بسلة + فاصولياء خضراء + بطاطس )) لأن الكوسة ممنوع دخولها البيت
- حلقات بصل تدعك بفلفل اسود ,, 3 -4 فصوص ثوم مقطعين قطع كبيرة
- شوربة مركزة ومضبوطة الحدق (( حوالى 2 كوب للصينية الصغيرة زى صينيتى ))انا استعملت شوربة فراخ رهيبة كنت لسه عاملاها
- ملعقة كبيرة صلصة
- كرفس مقطع حلقات (( نكهته رهيبة مع الخضار ))
- ملعقة كبيرة ورشستر صوص (( اختيارى لكن زى ماقلتلكم قبل كده الصوص ده بيتجانس مع اى حاجة فيها فراخ ))
- قليل من الفلفل اسود ,, زعتر ,, بابريكا ,, بهارات فراخ ,, ورقة لورا ,, كسبرة ناشفة
- ملعقة سمنة (( ممكن استبدالها بزيت وممكن الاستغناء عنها ))

** الخطوات :

- يقطع الخضار فى الصينية وينثر البصل والثوم والكرفس فى وسط الخضار وتقلب كل محتويات الصينية جيدا
- تضاف البهارات وورشستر صوص وتقلب جيدا فى الخضار

[ندعوك للتسجيل في المنتدى أو التعريف بنفسك لمعاينة هذه الصورة]

- يسقى الخضار بالشوربة تقريبا لا تغطيه ,, وتوضع ملعقة الصلصة ونحاول تقليبها فى الشوربة (( بتدى لون جميل للخضار وفى نفس الوقت مبيكونش احمر اوى كده زى صينية البطاطس ))

- اخيرا توزع ملعقة السمنة على الوجه وترفع الصينية على نار عالية

[ندعوك للتسجيل في المنتدى أو التعريف بنفسك لمعاينة هذه الصورة]

- تغلى غلوة ثم نوطى النار ونغطى الصينية حتى قرب السواء ,, ونبص عليها كل شوية وممكن نقلب الخضار بهدوء عشان مفيش حاجة تتهرى ,, ولو احتاجت شوية سائل نزودها شوربة ,, وفى الاخر نظبط الملح

[ندعوك للتسجيل في المنتدى أو التعريف بنفسك لمعاينة هذه الصورة]

- ترفع من على النار عند نهاية السواء تقريبا وتدخل فرن حامى ,, انا كانت عندى الفرخة مسلوقة فعملتلها خلطة التحمير الجميلة (( ملعقة سمنة + ملعقة صلصة + ملعقة صغيرة ورشستر صوص + عصير نصف ليمونة +فلفل اسود , بابريكا , زعتر )) ودهنتها بعد نزع الجلد وفتحها من الظهر وحطيتها على صينية التورلى ودخلتها الفرن

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

- بعد حوالى ربع ساعة خرجت وكان شكلها وريحتها يجننوا بجد

[ندعوك للتسجيل في المنتدى أو التعريف بنفسك لمعاينة هذه الصورة]

بجد يابنات طعمه كان وهمى والشوربة كانت عاملة شغل جامد ,, واتمنى انكم تجربوه بطريقتى ,,
هيعجبكم اكيد ,,

والى لقاء آخر مع طبق أحلى ,,

شكرا لكى على الاكلة الجميلة

شكرا لك على الوصفة

لك تقديري

شكرا لك على الوصفة
واضح انها شهية

» حلاوة السميد ... لكن بالألوان
» الردود الجميلة
» الجانب المظلم لجزر المالديف الجميلة