الى كل المصريين

موضوع: الى كل المصريين الخميس مارس 17, 2011 11:35 pm

شرح مبسط وسهل لكل فئات الشعب لتوضيح
التعديلات الدستورية
ونجد ايضاً ان المواد المعدله فى الصالح العام وجيده جدا

ولكن دعونا اولا نتناول شرح لماذا سنقول (لا) او (نعم) فى استفتاء 19 مارس يوم السبت

أولاً لماذا سنقول (لا)

1.علشان لما قامت الثوره اسقطت النظام ولم تسقط الدستور وهما الاتنين جزء واحد عشان كده بنقول ان الدستور جزء من النظام القديم ولازم تغيره
2. الدستور بيدى الرئيس صلاحيات كتيره جدا وهانخلى اللى جى بنفس صلاحيات مبارك ياعنى هانعمل فرعون جديد فى مصر
ودى صلاحيات الرئيس من خلال الدستور بشرح مبسط ايضأ

3. علشان الاحزاب اللى جاهزه دلوقتى هما الاخوان والوفد فقط ولو قولنا لا يبقى احنا بندى الفرصه لأحزاب جديده تتكون فى الفتره دى وده بينتج عنه حريات اكتر وأراء تفيد البلد اكتر
4. كثير من علمائنا العباقره يحملون جنسيات اجنبيه اخرى اذا مكنش كلهم وده طبعا هايبقى مستحيل ان هما يترشحو للرئاسه لو وافقنا على التعديلات
5. اللجنه المشرفه على الانتخابات الرئاسيه ليس لها رقيب ولا توجد جهه تطعن فى قرارتها

أذا ماذا بعد (لا
)
هايرجع القرار للمجلس الاعلى للقوات المسلحه انه يعين لجنه جديده لتعديل الدستور او يشكل لجنه لوضع دستور جديد وطبعا مش هاتم الانتخابات الرئاسيه ولا البرلمانيه فى الوقت المعلن عنها

ثانياً لماذا سنقول (نعم)

1.عشان نقطع الطريق على الثورة المضاده وانهاء حاله الفوضى وعدم الاستقرار وده طبعا هايتم بالاسراع فى انتخابات الرئاسه ومجلس الشعب والشورى
2. من فوئد التعديلات انها بتلزم رئيس الجمهوريه الجديد ومجلس الشعب بوضع دستور جديد خلال 6 شهور من الانتخابات التشريعيه
3. من فوائد التعديلات الجديده الغاء الماده الخاصه بالارهاب واللى كانت بتيح لضباط امن الدوله بالضرب والتعذيب ووضعك فى المعتقلات بدون ادنى سبب والتجسس على التليفونات
4. الشعب هو اللى هايكون صاحب القرار فى فرض حاله الطوارئ فى البلاد
5. التعديلات الجديده بتلزم الرئيس الجديد انه يكون عنده نائب رئيس وكمان فترة الرئاسه لاتزيد عن 8 سنوات ابداً
6. فرض الرقابه على مجلس الشعب وانهاء نظام (سيد قراره) وفرض الرقابه على الانتخابات

أذا ماذا بعد (نعم)
الاسراع بالاستعداد للانتخابات التشريعيه القادمه وانتخابات الرئاسه
أصدار المجلس العسكرى قرار بتعديل قانون الاحزاب لتكون بالاخطار بدلاً من الموافقه
انهاء حاله الفوضى فى البلاد وعوده الاستقرار فى اسرع وقت

وفى النهايه نترك لكم الخيار وكل شخص له وجهه نظره
مع احترام وجهه نظر الغير
وشاركو معانا فى حمله
شبكة شباب السنبلاوين
لتوعيه المواطنين

أن كان هناك توفيق فمن الله
وأن كان هناك تقصير فمنى ومن الشيطان

انا اهيب بالاخوة الاعضاء والشباب بقراءة هذا الموضوع بامعان وتركيز

واضيف ان عملاء اسرائيل وامريكا داخل مصر يروجون لشعار لا

لماذا
لكى تبقى المؤسسة العسكرية مهمومة بالشان الداخلى
ومنغمسة فى اعداد ملفات لاقبل لها بها كالامن الداخلى
ومقاومة الثورة المضادة
ومقاومة الفساد
ومعاقبة الفاسدين واللصوص خلال السنوات الماضية
ومواجهة حالات الانفلات الامنى
ومقاومة البلطجية
وانهيار المؤسسات الاقتصادية
وحالات العصيان العمالى
وتوقف الانتاج

وتبقى المهمة الرئيسية للقوات المسلحة المصرية
فى الدرجة الثانية
وتصبح حدونا مرتعا لاسرائيل ولاامريكا واعداء مصر
وسط مطالبات داخلية اسرائيلية باعادة احتلال سيناء
وهاهى الاوضاع فى لبييا تنذر باشعال الجبهة الغربية
للحدود مع لبييا
والسودان المقبل على التفتت فى يوليه القادم
فهل مطلوب للقوات المسلحة ان تبقى للعامين
قادمين
ام تعود لثكانتها للحفاظ على الحدود المصرية

انا وحده من الناس وصلت لى رساله

من شركه موبينيل

بتطلب منى برفض الدستور

اسم الراسل دستور جديد

رغم ان شركه فودافون ولا اتصالات

ارسلت اى رسايل
واضح ان نجيب الساويرس بيلعب لحسابه

انا بجد خلاص مش فاهمه اى حاجه

يعنى اقول اه ولا لاء

بجد خلاص مخى اكسد

انا هااقول نعم

وانا نعم

شكرا للمرور الكريم

انا مش عاجبنى الموضوع

لكـ خالص احترامي

» المصريين الالبان
» الرومانسية عند القدماء المصريين:
» التحنيط عن المصريين القدماء