رباعيات صلاح جاهين

سهير ليالى وياما لفيت وطفت
فى ليلة راجع فى الظلام قمت شفت
الخوف كأنه كلب سد الطريق
وكنت عاوز أقتله بس خفت
عجبى !!!!!

[ندعوك للتسجيل في المنتدى أو التعريف بنفسك لمعاينة هذه الصورة]

أنا قلبى كان شخشيخة أصبح جرس
جلجلت بيه صحيوا الخدم والحرس
أنا المهرج قمتوا ليه؟؟ خفتوا ليه؟؟
لا فى إيدى سيف ولا تحت منى فرس
عجبى !!!!!
[ندعوك للتسجيل في المنتدى أو التعريف بنفسك لمعاينة هذه الصورة]

دخل الربيع يضحك لقانى حزين
نده الربيع على اسمى لما قلت مين؟
حط الربيع أزهاره جنبى وراح
وإيش تعمل الأزهار للميتين؟
عجبى !!!!!
[ندعوك للتسجيل في المنتدى أو التعريف بنفسك لمعاينة هذه الصورة]

رباعيات الشاعر احمد الهمامى
حياتي بطريقتي هكمل واعيشـــها
ولو حتى كانت صعبه في معـيشــها
طريقـي ودربي لا يمــــكــن هســيبه
ولو خـوفوني بـــــــدولـه وجيـــشها
وآه
على بعد خطوه واحده م البدايه وقــــــــــفـت
من خوفى لاوصل للنهايه ولا لأني ضـــعفت
باسأل ســــــــــؤال مالهوش إجـــابه مؤكـدة
بالرغم إن كل ســـــؤال وله جـواب عــرفت
وآه

[ندعوك للتسجيل في المنتدى أو التعريف بنفسك لمعاينة هذه الصورة]
حرية الرأى مكفولة من زمان فى كل كتاب ودين
والأمر شورى مــن أيـــــام محمد آخر المرسلين
يعنى أنا أتشجع أقول كل اللى جوايــا ولا أخــاف
من المحاضر والقضـايا والحبس ويـــا المجرمين
وآه
[ندعوك للتسجيل في المنتدى أو التعريف بنفسك لمعاينة هذه الصورة]
بيرم التونسى

عتاب

ليه امشى حافى ،وانا منبت مراكيبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم!

ساكنين علالى العتب،وانا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد
لكن بعاتبكم
[ندعوك للتسجيل في المنتدى أو التعريف بنفسك لمعاينة هذه الصورة]
من الصباح للمسا،والمطرقه فيدى
صابر على دى الاسا ! حتى نهار عيدى
ابن السبيل انكسى ، واسحب هرابيدى
تتعروا من مشيتى
واخجل اخاطبكم

ليه تهدمونى وناللى عزكم بانى
انا اللى فوق جسمكم قطنى وكتانى
عيلتى فى يوم دفنتى مالقيتش اكفانى
حتى الاسيّه وانا راحل وسايبكم؟
[ندعوك للتسجيل في المنتدى أو التعريف بنفسك لمعاينة هذه الصورة]

بدنجان

يا شرق فيك جو منور
والفكر ضلام
وفيك حراره يا خساره
وبرود اجسام
فيك تسعميت مليون زلمه
لكن اغنام
لا بالمسيح عرفوا مقامهم
ولا بالاسلام
هي الشموس بتخلي الروس
كدا هو بدنجان

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
شكرا على الموضوع

شكراً الك
مجهود جميلة
بارك الله بك

شكرا على الشعر

» رباعيات صلاح جاهين
» على اسم مصر لصلاح جاهين
» أثر الدعاء في صلاح الأبناء