هما كده الرجاله

هما كده الرجاله
..
..
..
..
...• يتجوز واحده عقليه و مثقفه .. يقولها العلم عمره ما كان مهم للبنت.. اهم حاجه انها تكون ست بيت .. !!

• يتجوز واحده ست بيت .. يقولها خليكي انتي بس في الطبيخ بتاعك ياختى.. !!

• اشتغلتي .. يقولك مش مشكلتي انك بتشتغلي محدش طلب منك .. أنا اللي اعرفه اني جاي من بره تعبان وعايز كل حاجه تكون جاهزه

• قعدتيله في البيت .. هيجي من بره يقولك .. انا طول النهار طالع عيني .. وانتي قاعده هنا في التكييف .. هتحسي بيا ازاااااااي يعنى حضرتك ؟؟!!

• اهتميتي بيه وأخدتي بالك منه .. يقول دي خانقاني ومش عارف اخد راحتي منها .. !!

• سبتيه علي راحته .. يقول مبقتش بتهتم بيا وهاملاني وهو انا متجوز عشان محدش
يعبرني ؟؟ !!

• اتدلعتي عليه واهتميتي بنفسك .. يعتبرك فاضيه ومش حاسه بالدنيا وبالعيشه ولا حاسه أنه طالع عينه طول النهار ..!!

• تقلتي وكبرتي دماغك .. يقولك ده أنا متجوز واحد صحبي ..!!

• يفضل كل أما يشوفك يقولك انتي مش ملاحظه انك تخنتي أوي
• وهو أصلا قميصه مبيتقفلش من الكرش اللي عنده

• لبستي لبس عادي في البيت .. يبص للستات اللي لابسين سواريهات في بيوتهم "في التي في طبعا " ويقولك شايفه الستات عامله ايه لأجوازها ..!!

• قلتي خلاص هرضيه ولبستيله سواريه .. يقولك ايه اللي انتي عاملاه ده ..
هي بعزقة فلوس وخلاص ..؟؟!!

• يجي يحكي عن زميلته اللي متألقه أخر حاجه وبتلبس علي سنجة عشره ..!!

• تلبسي كده وتيجي خارجه .. يقولك ايه ده انتى هتخرجى كده لا معنديش ستات تخرج كده بره البيت ..!!

• يقولك .. هو انتي نفس الشكل كل يوم من ساعة ما اتجوزنا .. مبتحاوليش تغيري من نفسك أبداا ؟؟!!

• تروحي تصبغي شعرك وتغيري قصته .. ولا بياخد باله أصلا ..!!

• يحطك في مقارنه مع كل الممثلات والمطربات .. ويقولك شايفه الستات عامله ازاي ؟؟!!


• ويزعل أوي ويتحمق لو بالصدفه جبتي سيرة مهند ..!!.
يلا هنقول ايه

ربنا علي الظالم

{ امضااااااااااااااااااء }
واحد مخنوقه من الرجاللللللله ... وشكلها طالع عينيها

بارك الله فيك
تسلم الايادى على الابداع الراقى
ننتظر الجديد والمفيد منك اخى

موضوع دمه خفيف قوى
تسلمي

الله يعطيك العافية

مشكورين على المرور العطر

مودتى