طريقة عمل البط

موضوع: طريقة عمل البط الجمعة يوليو 22, 2011 11:42 pm

v
اولا المقــــــــــــــــــادير
بطة بطوطة حلوة زقلوطة

[ندعوك للتسجيل في المنتدى أو التعريف بنفسك لمعاينة هذه الصورة]

مقادير للتتبيل
( بصلة مبشورة - ملح - فلفل - روز مارى ( اللى هو يعنى اكليل الجبل ) - جوزة الطيب

[ندعوك للتسجيل في المنتدى أو التعريف بنفسك لمعاينة هذه الصورة]

مقادير للحشو
( كوب أرز - بصلة مقطعة - ملعقة زبده او سمن بلدى - ملح - فلفل)
[ندعوك للتسجيل في المنتدى أو التعريف بنفسك لمعاينة هذه الصورة]

مقادبر للتحمير فى الفرن
( ملعقة صلصة - ملعقة صويا سوس - ملعقة زيت - ملح و فلفل خفيف)
[ندعوك للتسجيل في المنتدى أو التعريف بنفسك لمعاينة هذه الصورة]

و آدى الصويا سوس

[ندعوك للتسجيل في المنتدى أو التعريف بنفسك لمعاينة هذه الصورة]

ثانيا الطريقة

يلا بينا بقى على الشغل
1- نغسل طبعا البطة البطبوطة كويس جدا جدا جدا باستخدام الملح و الليمون و الدقيق وطبعا كلنا عارفين و شاطرين و زى الفل

غسلنا الاول الكبده والأوانص و الرأس بالرقبة بالدقيق و الملح و نعصر عليهم ليمونة وطبعا واضح فى الصورة

[ندعوك للتسجيل في المنتدى أو التعريف بنفسك لمعاينة هذه الصورة]

و نغسل البطة طبعا زى ما قلنا بالدقيق و الملح لازاله اى رائحة غير مستحبة و لتمام نتظيف البطة و ازالة آثار الدم و الجريمة المروعة لابد من الليمون
وواضح برضوا فى الصورة يا قتوكة يا أمورة

فاكرين[ندعوك للتسجيل في المنتدى أو التعريف بنفسك لمعاينة هذه الصورة]مقادير التتبيلة طبعا اللى عرضت عليكم صورتها فى الاول يلا بقى يا قمر خرطى البصلة و ضيفى عليها الملح و الفلفل و الروز مارى و جوزة الطيب مع مراعان ان جوزة الطيب تكون مش كتير يعنى حاجة بسيطة علشان لما بتبقى كتير بتغير الطعم و الصورة أهى

[ندعوك للتسجيل في المنتدى أو التعريف بنفسك لمعاينة هذه الصورة]

يلا يا شاطرة يا قمراية معايا ندعك البصلة بالتوابل دى لغاااااااااااااااااااااااااااية ما عنينا تقول كفاية دمووووووووووووع [ندعوك للتسجيل في المنتدى أو التعريف بنفسك لمعاينة هذه الصورة]
ولما دعكناها بقت كده

[ندعوك للتسجيل في المنتدى أو التعريف بنفسك لمعاينة هذه الصورة]

حان الوقت لتتبيل البطة و اغراقهه فى التتبيله تشرب منها علشان الطعم يبقى واووووووو روعة
بالشكل ده يا بطتى

[ندعوك للتسجيل في المنتدى أو التعريف بنفسك لمعاينة هذه الصورة]

طبعا التتبيل بيكون من بره و من الداخل و بين الجلد و اللحم على قد ما تقدرى و نسيبها بقى شوية مع نفسها على ما نجهز الحشو

[ندعوك للتسجيل في المنتدى أو التعريف بنفسك لمعاينة هذه الصورة]

يلا بقى حبيايب قلبى على ما البطوطة تشرب من التتبيلة نكون جهزنا الحشوة فى ناس بتحشيها أرز و عليها بصلة وملح وفلفل نفس مقاديرى و لكن نئ يعنى تغسل الارز و تضيف الصل و التوابل و تحشى و خلاص
لأ انا بقى طريقتى مختلفة شوية الطريقةالسابقة انتى وحظك ممكن الحشو ميستويش و تبقى مش لطيفة طبعا ....اما مع طريقة ام يحيى الامر مختلف فنحن دوما مختلفون ههههههههههه

بصى يا قمر بنخرط البصلة و بناخدها تشويحة على النار فى حتى زبده او سمن بلدى بسيطة جدا لغاية ما لون البصلة يبقى شفاف أو وردى براحتك
بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

و نيجى بقى للأرز طبعا نغسلة و بعدين نضيف عليه الملح والفلف و ندعكه خفيف

[ندعوك للتسجيل في المنتدى أو التعريف بنفسك لمعاينة هذه الصورة]

يلا يا قمر البصلة بقى لونها شفاف او دهبى على حسب ما تحبى ضيفى الارز بقى يا قمراية

[ندعوك للتسجيل في المنتدى أو التعريف بنفسك لمعاينة هذه الصورة]

ضيفى يا قمر كمية مارء تناسب النصف تسوية علشان الار هيكمل بقيت تسويته جوة البطة

[ندعوك للتسجيل في المنتدى أو التعريف بنفسك لمعاينة هذه الصورة]

حان الوقت للحشو هنحشى البطة بالخلطة الى عملناها نصف تسوية يا قمرااااااات بالشكل ده

[ندعوك للتسجيل في المنتدى أو التعريف بنفسك لمعاينة هذه الصورة]

[center]و بعدين يا قمر هنجيب خيط و ابرة طبعا هتقولولى ليه يا أم يحيى هنخيط ايه هقولك لا ابدا دى عملية تجميل بسيطة للبطوطة

لام طبعا نخيط البطة علشان الخلطة مش تخرج من البطة صح و لا ايه ؟؟
[center][ندعوك للتسجيل في المنتدى أو التعريف بنفسك لمعاينة هذه الصورة]

دلوقت بقى يا قمرات حان وقت السلق
طبعا معانا ضرورى جبهان و مستكة و ورق لورا
[ندعوك للتسجيل في المنتدى أو التعريف بنفسك لمعاينة هذه الصورة]
[center]يلا نغرقها فى ميه سخنةبتغلى تستاهل اللى هيجرى لها حد قالها تبقى طعمة و لذيذة يم يم يم [ندعوك للتسجيل في المنتدى أو التعريف بنفسك لمعاينة هذه الصورة]

[center][ندعوك للتسجيل في المنتدى أو التعريف بنفسك لمعاينة هذه الصورة]

[center]خدى بالك بقى يا بطة مش تحطى الحبهان و لا المستكة و لا اللورا الا لما تغلى البطة غلوتين ممكن يطلع على الوش ريم شيليه علشان الشوربة تبقى لونها ابيض و زى الفل و مكن جدا ميطلعش معاكى ريم زى ما حصل معايا طالما البطة اتغسلتو اتنقعت فى الليمون كويس و اتصفت كويس خلاص مبيطلعش ريم ولو طلع بيبقى بسيييييط جدا
بعد كده حطى الحبهان و المستكة و اللورا و لو عاوزة تزيدى كمان بصلة و شوية روز مارى مفيش مانع

نيجيى بقى للتحمير فى طريقتين للتحمير اما تحمريها عادى فى ملعقة سمنةبلدى بتخلى طعمها روعة و بتبقى دسمة اوى بس بتبقى صعبة لو البطة كبيرة
الطريقة التانية اللى انا بفضلها
و هى ملعقة صلصة و عليها ملعقة زي و ملعقة صويا سوس و شوية فلفل و ملح و اخلطى و ادهنى البطه
[ندعوك للتسجيل في المنتدى أو التعريف بنفسك لمعاينة هذه الصورة]

ادهنى البطة كويس بالخلطة دى كده

[ندعوك للتسجيل في المنتدى أو التعريف بنفسك لمعاينة هذه الصورة]

[center]يلا على الفرن عدل و تحت الشواية سبيها لعاية ما تحمر

[ندعوك للتسجيل في المنتدى أو التعريف بنفسك لمعاينة هذه الصورة]

على ما تتحمر نكون جهزنا الطبق اللى هنقدم فيه البطة
ببساطة فاكرين الخلطة اللى حشينا بيها البطة هناخد حبه الارز دول و نكمل سواهم
و ممكن نضيف كمان ارز بالخلطة كفرشة للبطة
منه تزيين وكمان طعمة لذيذ جدا والاطفال بيحبوة

[ندعوك للتسجيل في المنتدى أو التعريف بنفسك لمعاينة هذه الصورة]
آدى البطة بعد ما تحمرت و حطيناها على طبق التقديم
أخيرا عذبتينا و الله ما هنسيبك هناكلك هناكلك ده انتى طلعتى روحنا هههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

[center]و معاها طبعا هنقدم طبق محشى ورق عنب و نكون طبعا سقناه بشوربة البط و استوى فيها
و خلااااااااص الحمد لله على نعمته
عجبت زوجى و اولادى اوى يارب تعجبكم انتم كمان
[ندعوك للتسجيل في المنتدى أو التعريف بنفسك لمعاينة هذه الصورة]
انتظر آراءك وردودكم
و اشكركم لمتابعتكم و أنا آسفة و الله اتأخرت عليكم فى تكملة الموضوع لان النت عندى بطئ اوى

اترككم فى رعاية الله و كل سنة و حضراتكم بالف صحة و خير

[/center]
[/center]
[/center]
[/center]
[/center]
[/center]
[/center]

شكرا على الوصفة

شكرا لك على الوصفة
واضح انها لذيذة
تسلم ايدك

[ندعوك للتسجيل في المنتدى أو التعريف بنفسك لمعاينة هذه الصورة]