البطاطس الكروكيت

البطاطس الكروكيت

من اسهل واجمل واخف الاطباق حلوه قوي في العزومات وكمان الاطفال بيموتوا فيها

يالله نشوف طريقتها

المقادير
3 بطاطس متوسطه مسلوقه ومهروسه
معلقه زبده مليانه -معلقتين لبن-ملح وفلفل

تعجن المقادير جيدا وتدخل الفريزر ربع ساعه لسهوله التشكيل

تعمل اصابع ثم تدخل الفريزر مره اخري

[ندعوك للتسجيل في المنتدى أو التعريف بنفسك لمعاينة هذه الصورة]

ثم تعمل بانيه بالدقيق والبيض والبقسماط

[ندعوك للتسجيل في المنتدى أو التعريف بنفسك لمعاينة هذه الصورة]

وتدخل الفريزر مره اخري
ثم تخرج وهي مجمده وتقلي في زيت غزير

[ندعوك للتسجيل في المنتدى أو التعريف بنفسك لمعاينة هذه الصورة]
والنتيجه بطاطس كروكيت جميله جدا مقرمشه قوي من بره وطريه وسايحه وبتدووووووووووووب من جوه

وده الشكل النهائي

[ندعوك للتسجيل في المنتدى أو التعريف بنفسك لمعاينة هذه الصورة]

وده منظر افقي للتعذيب

[ندعوك للتسجيل في المنتدى أو التعريف بنفسك لمعاينة هذه الصورة]

والان مع فقره تكات نوسه

1-البطاطس ماينفعش تتهرس في الفود بروسيسور علشان بتمزلق وتعمل عرق لازم تتهرس بالشوكه او الهراسه المخصصه لذلك

2-لازم تتهرس كويس قوي ومراعاه عدم وجود اي قطع صغيره مش مهروسه لانها ممكن تفتح منك في الزيت
وانتي بتصبعيها لو لقيتي حتت صغيره مش مهروسه اتخلصي منها فورا

3-لما بتصبعيها طبعا شكلها مش بيبقي منتظم زي كده

[ندعوك للتسجيل في المنتدى أو التعريف بنفسك لمعاينة هذه الصورة]

الحل علشان يطلع شكلها حلو ومبرومه كويس انك تمرريها علي الرخامه هاتبقي مبرومه وشكلها متساوي

[ندعوك للتسجيل في المنتدى أو التعريف بنفسك لمعاينة هذه الصورة]

4-]دخول الفريزر بين كل خطوه والتانيه مهم جدا علشان ماتسيحش وتبوظي الدنيا
لما بتبقي مجمده بتعرفي تشتغلي بيها لان فيها زبده ولبن فاكيد مع حراره الايد بتسيح

5-اضافه الكورن فليكس لخليط لبقسماط بيدي نتيجه حلوه قوي وطبقه مقرمشه جدا وده عامه مع اي حاجه بتتعمل بانيه
انا الخليط ده باعمله بكميات واشيله في بطرمان واخد منه

دائما متميز في
الانتقاء
سلمت على روعه
طرحك
نترقب المزيد من جديدك الرائع
دمت ودام لنا روعه
مواضيعك

لكـ خالص احترامي