السلام عليكم حبيباتييي
اليوم راح انزل اكله فلسطينيه اسمها ... المشاط
وهي عباره عن قرنبيط وبيض وطحين وتوابل
يعني قريبه على العجه .. بس هيك بحكولها عنا
بسم الله
بدنا .....
راس قرنبيط متوسط
7 - 8 بيضات
بصله مفرومه
سنين ثومه مفرومين
طحين
ربع ضمة بقدونس
ملح .. فلفل .. كمون
ملعقه صغيره بكينغ باودر
الطريقه
نقسم القرنبيط لقطع كبيره شوي
نسلقها .. بس ما نخليها طريه كتيير
في جاط عميق
بنحط البيض .. كل مره بيضه
نخفقهم ونضيف البقدونس
ونضيف باقي المقادير
ان كانت الزهره متماسكه .. نقسمها لاقسام اصغر
لكن ان كانت طريه كتيير ما نقسمها لانها راح تتقطع مع التقليب
نضيف الطحين ونقلب حتى يصير عنا خلطه متجانسه
في زيت حار .. نحط مقدار من الخلطه في ملعقه كبيره .. ونسكبها في الزيت
على هيئة اقراص .. لحد ما يحمر لونهم .. ونرفعهم عن النار ونحطهم على ورق نشاف
يقدم المشاط .. سخن او بارد مع السلطه
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
مممممممم انا كتيييييييير بحبه يا صبايا
فجربت اعمله بطريقه تانيه .. دهنت صينيه صغيره زيت
وأخدت كميه منه وفردتها في الصينيه .. وحطيتها في الفرن
بس لحد ما احمرت اطرافها .. بعدين حمرتها شوي من فوق
[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
وآآه ما طلعت يابسه زي القلي .. بس طعمها برضو طلع بجنننن
للعلم بس .. ماما قالت ما في احلى من المقلي ههههههه