البيض باللحمة المفرومة

البيض باللحمة المفرومة حتاكلي صوابعك وراه
[ندعوك للتسجيل في المنتدى أو التعريف بنفسك لمعاينة هذه الصورة]
الصورة من النت
المقادير:
5 بيضات مسلوقين ومقشرين
350 جرام لحمة مفرومة
بصلة متوسطة مفرومة
ملح + فلفل أسود + بهارات مشكّلة
بقسماط مطحون
معلقة دقيق

الطريقة:
1- نضيف البصل على اللحمة المفرومة ومعاها الملح والبهارات والفلفل الأسود، وبعدين نحط البقسماط لحد ما اللحمه تتماسك.

2- نجيب البيض المسلوق ونقلبه في قليل من الدقيق، علشان يساعد على إن اللحمة تلتصق به، وبنغلّف البيض باللحمة بحيث يكون سمك اللحمة المفرومة على البيض حوالي 1 سم.

3- لما نخلّص كمية اللحمة، نغلف كورات البيض باللحمة المفرومة بقليل من الدقيق المتبل بالبهارات (يعني غلاف رقيق جدًّا من الدقيق).

4- نقلي كرات البيض باللحم في زيت غزير مغلي لحد ما تحمر، وبعدين نوطي عليها النار شوية علشان تستوي كويس، ونقلبها بحرص، ونطلعها من الزيت على ورق نشاف، ونقطع كل كرة إلى نصفين بالراحة بالسكينة وهيبقى شكلها حلو جداً؛ لأن الصفار هيكون باين وبعدين البياض وبعدين اللحمة، وممكن تزيني الطبق بالخضروات الورقية وشرائح الليمون.. وبالهنا والشفا..

[ندعوك للتسجيل في المنتدى أو التعريف بنفسك لمعاينة هذه الصورة]