انا من الجرح ياصاحبي اتعافيت

روائع ايهاب المالكي
انا من الجرح يا صاحبي اتعافيت
عبرتني المنيه ويومهه اتبدل ,
لگطت السنين ولحگت ع الضاااال
واحييت المصوفر گبلل لا يذبل,
تانيت امنياتي الما منعسه اتنام ؟؟
حته اگدر بسكته من القيود افتل !
عفت بيت ابوذية على العش مكتوب
گللبي بفرگة الخلان وجنااح
وبديت انحاز للشمات وجناح
صدك خليتني ريشات وجناح
لكن صفك جنحي لمن ردت ارحل
صفك جنحي لحد غيمه
عفت ذاك الغصن هيمه
عمر ويااك ادور حل
جبيره السمه ووين اسئل ؟؟
اخاف اشرد وما اندل !!
الى ان قررت حسيت عمري الضاع
شفته لطير ثاني من يطير اسهل
اثاري العش عذر للما يعرف ايطير
اكول اشبي الشامت ما يريد ارحل !!
حرگني الظن مثل لعبة الغميضاان
وره حايط الشووگ بلوعته اتختل
جنت لخاطرك تحلف بخللگي الناااس
انااازع واليمر ,,,ايشوفني مدلل
حكت لغلاطك بنصين گللبي اعذار
ترفه اتغار منهه ,,, حياكت المغزل

اضوكك بالجفن واستطعمك بالروح
واتجمد ابعدك وبهواك انحل
مدينة ظني تشبه دولة افلاطون
شفتك بيهه فكره استبعدت تفشل
طين اتغلب بقوه اعله ناار بليس
تغلط واني اشوفك ،،،،، بس اگول اغفل ..
واتلمس جفونك لمسة المكفوف ؟؟
اريد الگالي دمعه لو جفن مبتل
واتركك واسمع بعزتك تصهل خيـــــــــــل
خطوه اتگلك امشي ،، خطوه لا تنذل .
وانه غيمة برد ما بيهه بس افياي
انطي الشمس ظهري وانجوي اتحمل .
مرات اختنك لمن يجيني الليل
افك شباك صدك،،،،
ووكف اتئمل ,,
صياد احس روحي
والنهر وشل
اشوفك جاي ليه
واركض اتخيل
اوصل للنهاية
وابتدي من اول
اذا رفضت ظنوني جيتك عالبال ,,
اغافللهن واكلك ,,,,,,, ما عليك اقبل .

اغافللهن مغافلل روج بالرااس
اعله نيتي وثاري طبع الذيب براس
العقل شيفيدني ومتروك بالراس

والگللب ليه الراي والشور والحل
يوماَ بدونك كنت اگضيه مكسور
طكت الدقاقيق فيه والوكت يثگل
روحي بجنبك مثلت شاهد الزور
والحق من صوبي لصوبك تحول
كنت ارتجيك تكون في ضلمتي نووور
والليل في روحي بالبعاد طووول
لما تركتك صاحلي الشوووگ ,, معذور
والحب من مُهر الاماني ترجل

عفتك ،،، بس احس مدري شنسيت وياااك ؟؟؟؟
واطمئنان روحي والامان اختل ,,
اخاف من النده والورد ماثق بيه
اذا بلبل يغرد ,,, نار يمه اشعل
وراك الماي صافن ,, والنجوم احجاار
خصر الشمس منه شفت ليل انسلل

نسيتك والتعب جفي اليفك الباب
احس لوحت حياتي بفرگتك تكمل
وانه وصيت گللبي وگتله كلشي يهون
لو ضج روحك اعله الروح شكله
يا گللبي وسبب ذل الطير شكله
منو يعرف النوم اشلون شكله
لان لااااااااااا شايفه ولا مار بيهه

[ندعوك للتسجيل في المنتدى أو التعريف بنفسك لمعاينة هذه الصورة]
موضوع رائع ومفيد
سلمت يداك على روعة طرحك
بارك الله فيك
تقبل مرورى وتحياتى
[ندعوك للتسجيل في المنتدى أو التعريف بنفسك لمعاينة هذه الصورة]

اسعدتنا
روعــــــــــه ة[ندعوك للتسجيل في المنتدى أو التعريف بنفسك لمعاينة هذه الصورة]مروركم الجميل
الله يعطيكم الف عافيه [ندعوك للتسجيل في المنتدى أو التعريف بنفسك لمعاينة هذه الصورة]
تحيات
ابو المجد
نائب الاخ امين

» ياصاحبي مافادنا كثر الاحلام
» شكرا على الجرح
» لا تنحني .. أمام الجرح .. إلا لتضمـــــده