حماتك زى مامتك

[ندعوك للتسجيل في المنتدى أو التعريف بنفسك لمعاينة هذه الصورة]


مبدئيا لو كل زوجه اعتبرت حماتها زى مامتها هترتاح جداا, وكمان لو حطت نفسها مكان حماتها وانها هتبقى بنفس

الوضع فى يوم من الايام هترتاح, ودة كله رضاءا لربنا سبحانه وتعالى ورضاء لزوجك, وكلنا عارفين ان دعوة الحما بتطلع للسما,

ودلوقتى هاقولك نصائح بسيطه تكسبى بيها حماتك بسهوله:

1- حاضر يا ماما

ممكن تقوليلى هتتعبى فى ايه لما تقوليلها حاضر يا ماما لاى طلب هتطلبه منك حتى لو مش هتعمليه 

هتريحى نفسك وهتريحيها وهتاخدى ثواب

2- كونى دائمه الشكر فيها والاطراء على جمالها وأكلها الرائع وازاى نفسك تكونى زييها فى أكلها

3-احكيلها دايما ان زوجك الى هو ابنها بيحكيلك على اكلها الجميل وانه بيحب أكله معينه من ايديها وأساليها عن طريقتها

4-لاتكونى كثيرة الشكوى لها من ابنها ل العكس تماما 

اتكلمى دايما عنه بالخير والحب واشكريها انها هادتك باجمل الهدايا

5-اهتمى بالسؤال عنها يوميا حتى لو بمكالمه بسيطه وكونى اول المتصليين بها فى المناسبات

ان شاء الله هيكون لينا جزء تانى انتظرونا ويارب يعجبكم

[ندعوك للتسجيل في المنتدى أو التعريف بنفسك لمعاينة هذه الصورة]

أسعدني كثيرا مروركم وتعطيركم هذه الصفحه

يعطيكم الفعافية

ولا يحرمنا تواجدكم