هل تعودنا على الكره؟؟؟

فى الفتره الماضية
كان حدث وفاة ملك البوب مايكل جاكسون

ووجدت هجوم كبير على الانسان ده
ناس تشتم فية وناس يطلعوا علية اشاعات بشعه
وناس بيتدخلوا فى خصوصياته بطريقة لا تطاق
وصلت الى حد انهم يقولوا ان اولاده مش اولاده

فى حين ان الناس دى مش متابعين اغانية ولا متابعين مشواره الفنى

الموضوع ده كان مضايقنى جدا

فطلبت من بعض صديقاتى انهم بسمعوا اغانية
ولو مش فهمنها اساعدهم
وبعدين يقولولى رايهم

وفعلا كتير منهم قالوا انه مطرب مميز
لانه مكنش بيغنى للحب فقط لا غير مثل باقى المطربين

لا هوا كان بيغنى اغانى اجتماعيه وانسانيه كتير

وله اغانى رومانسيه ممكن ننظر لها من منظور اخر وهوا المنظور الاجتماعى

طبعا انا عارفه ان بعد الكلمتين دول هلاقى هجوم مرة تانيه
وناس ممكن تقول عنه حاجات سلبيه كتير
اقلها عمليات التجميل الى قام بها
ومع اننا برده ظلمناه فى الحكم عليه فى الموضوع ده
بس انا مش هتكلم فى النقطه دى

وهرجع اقول ان القضيه مش قضية مايكل جاكسون
القضيه قضية ان هل احنا اتعودنا اننا نكرة بعضنا
ونعمى قلبنا تماما
من غير حتى ما نعرف بعض كويس
؟؟؟؟

انا بحلم بجد ان الناس تحب بعضها
بدل ما نقول لأ ده الانسان ده فيه عيوب كذا وكذا وكذا

طب ما نحب الايجابيات الى فيه ونحاول منعملش الاخطاء الى هوا عملها

وبعدين كلنا بنى ادمين
يعنى الى انت بتكرهه ده انسان
يعنى زى ما فيه عيوب فيه مميزات

زى ما بيعمل صح بيعمل غلط

*****

اتمنى يا جماعه والله من كل قلبى

اننا بدل ما ندور على عيوب بعض عشان فى النهاية نكره بعض

لا نحاول ندور على اعذار لبعض

تخيلوا لو كل الناس بتحب بعضها

ولو انت وانتى بتتعاملوا مع كل الى حواليكم
بكل طيبه و بكل حب

لو انا وانت وانتى دورنا على مميزات بعضنا
ودورنا على الحاجات الجميله الى فى الناس الى حوالينا
وبدانا نحب بعضنا بجد

ونحاول اننا مندورش على عيوب الناس الى حوالينا
عشان منكرهمش

بدل كده دوروا على العيوب الى فى نفسكم وحاولوا تصلحوها

» أخطاء علمية تعودنا نشوفها بالأفلام