يوميات امرأة على النت

الزوج:قايم يشرب من الثلاجه بليل لقى شعنونة قاعده وفاتحة المنتدى قال لها,
أنت سهرانه ليه لحد دلوقتى يا شعنونة
شعنونة: مفيش يا حبيبى اصل نزلت قصيدة فى إبداعات الأعضاء وبشوف الردود
الزوج: طيب سمعينى يا ستى كام بيت كده من أبداعك
شعنونة:أه يالهوى يالهوى يالهوى000
أنا جوزى راجع مستهوى0000
عمّال يعطس تعبان وكمان عنده زكام000
أنا خايفه احسن يعّدينى يارب استر نجينى000
الزوج:يا سلام على شعر الزكام ده بس أكيد نزلتيه فى المنتدى الطبى بقى
شعنونة: ومش عايزه اقولك كمية الردود الرهيبة والإعجاب بكلماتى الروعة دى
الزوج:كمان ردود رهيبة أكيد اللى شارك كان بيحسب معاك مصل واقى ضد أنفلوانزا الخنازير ولا حاجه
شعنونة: بتتريق وعايز تحبطنى كمان, عشان اغيظك بقى جب ليا رسالة تجنن
الزوج:عموما بدون ما تقولى من مين أنا عرفه بيبعت لكل البنات يقولهم حاسس بكل كلمة قولتيها وكأنى كنت معاك أصله عايش الدور شويه
شعنونة:بس أنا كلامى أكيد اثر فيه
الزوج : طبعا أكيد ,هتلاقى عنده برد ولا حاجه
شعنونة:مش عرفه دايما تحبطنى ليه بس مفيش كلمة حلوة ياساااااتر
الزوج: أنت حياتى وقلبى كمان وعشانك هقولك كام بيت شعر فيك يا قلبى أسمعى
أنا شايفك دايما منكوشه00 ويمكن هبله ومهبوشه
البيت من غيرك هادى000لا صويت ولا حد ينادى
ايامك غم مفيش تفاريح00 أحلامك تروحى المراجيح
أيه رأيك بقى يا حياتى
شعنونة: منك لله يا شيخ أنا بتاع مراجيح ! ليه يعنى أتجوزتنى فى مولد أم ترتر
ألهى يارب يارب تتوقف عضويتك نهائى من المنتدى ولا تعرف تدخله تانى
الزوج:خلاص بقى أنا كنت بهزر معاك مش تزعلى قولى بقى صاحبتى مين
شعنونة: كتيييييييييييييييييييييييييييييييييييييييييييييييي ييييير
الزوج: زى مين يعنى
شعنونة:خد عندك اسد المراقب عشان يمكن أحتاجه لحضرتك
وسنيورة عشان لو عيل تعب ولا حاجه نوفر الكشف
ودوزرى عشان نتبادل خبرات تربية العيال وخصوصا أنها مهتميه بالإسهال عايز أعرف اسبابه عشان أجربه ويجى ليك ونخلص منك يا أخى
الزوج: هاخد محلول مش تقلقى كملى
شعنونة: وخديجة وهمس عشان لو حبيت أحبسك اعرف الطرق القانونية
وسيرجو عشان خد منصب كبير يمكن يساعدنى ألبسك فى قضية مخدرات ولا حاجه
والحالمة عشان أخلى بناتها يصاحبوا البنت بنتك ونفضفض لبعضنا
وريمونا عشان هشجع الجزائر ضد مصر عشان اغيظك أنت بس
الزوج : يعنى تبيعى بلدك عشان تغظينى أنا هبلغ عنك أنك جاسوسه وأخلص منك
شعنونة:وصاحبتك كتكوتة عشان أوصيها كل يوم تعمل خبر عن الزمالك يحرق دمك
حتى لو الزمالك فاز تقول مثلا المبارة هتتعاد تانى
الزوج:كملى كملى ومين تانى
شعنونة:
والمحتسبة عشان وهى بتحتسب كده تدعى عليك وتحسبن للصبح عليك يمكن ربنا
يوفقها ويستجيب لها وسمسمه وفادية وكل البنات عشان أتفق معاهم ندعى عليك
فى وقت واحد وطبعا رئيسة حزل ألطف الكائنات كنوز أم الأسد
الزوج:يعنى صاحبتى المنتدى كله
شعنونة: لسه المدير والمراقب عشان اقولهم أنك بتبيع بانجو فى المنتدى وعضويتك
تتوقف خاااااااالص
الزوج:بانجو كمان يا ظالمة أنا بشرب الميه الساقعه بدوخ
شعنونة: وكمان جنى مذعورة بيعملك عمل عشان يحولك لعقلة الأصبع وأعذبك براحتى بقى ,دا أنت هتشوف منى تعذيب وقتها
وكمان عفاف أم قلب شفاف وصيتها تغلق لك كل مواضيعك وتحذفها وتغلق بقك كمان لو ينفع
الزوج: كده يا شعنونة بتخربى على نفسك ومفيش حد هينفعك
شعنونة:شوف موضوع أريد حلا مع اللى مش يتسمى !!!
الزوج: عموما عند موضوع أستشارات قانونية عشان تعرضى مشكلتك
شعنونة: لالالالالالا مش دلوقتى ! أنا هحتاجه لما أقطعك فى إكياس بلاستيك يا مفترى
الزوج:طيب يا شعنونة نتصالح وبلاش حد يدخل بينا ايه رايك
شعنونة: مواقفة يا روح قلبى بس تعمل ليا موضوع فى قسم المناسبات
وتقول حبيبى العصفورة رجعت لعشها
الزوج: يعنى مش ينفع اقول عودة الندلة أو مثلا الغراب نوّر بيته عشان بس أكون صادق شوية
شعنونة: مش بقولك مفيش فايدة أنت هتجننى خااااااااااااااالص يالهووووووووووى
الزوج:عرفه يالهووووى دى بتفكرنى إنذار الغارات الجوية ايام الإحتلال
شعنونة: يالهوووووووووووووووووووووى
الزوج:
خلاص يا شعنونة الجيران بتخبط على الباب أهدى بقى منك لله يلا بسرعة قومى
قطعى هدومك وأخبطى راسك عشان أركان الجريمة تكتمل وخلى الباش كاتب همس
وخديجة ياكلوا عيش

ههههههههههههههه
موضوع حلو قوى شكرا لك

هههههههههههههههههه
شكرااااااااااااااااالك

موضوع جميل مشكور

هههههههههههههههههههههههه

ماشى يا ممدوح بقا احنا بنعمل كده

اومال انتم ملايكه فى الارض

يا ساااااااااااااااااااااتر

كل ده علشان احنا ناجحين

مردودالك فى اقرب موضوع

بس بجد مموضوع عبقرىىىىىىىىىىىى

» يوميات شري شيف يسري كنافة تارت فاكهه
» يوميات مسافر لتركيا
» يوميات طفل مشغول جداا....