وقف بيع الكشرى ؟

موضوع: وقف بيع الكشرى ؟ الأحد يونيو 20, 2010 7:42 am

كشرى

------------ --------- --------- --------- --------- --------- --------- --------- -----

فى أحد الأيام فى فى بلدة تتكلم بلغة الضاد ( ض ) أستيقظ الوزير و نادى على أحد مساعديه
.... صباح الخير يا سعادة الباشا
.... صباح النور
.... خير يا باشا
.... شفت فى منامى أنى آكل كشرى أيه تفسيرك
.... سعادتك تحلم و إحنا ننفذ
أثناء وجبة الغذاء قدم المساعد للباشا صينية , بداخلها طبق مغطى بداخله كشرى , و عندما تذوقه الباشا أقتضب وجهه ووضع الملعقة و قال:
.... ده مش طعم الكشرى إلى شفته ف منامى
.... لكن يا باشا الكشرى ده مكون من رز فلبينى و عدس من استراليا و المكرونة من إيطاليا و البصل من الصين و موضوع عليهم زيت دره هولندى و اللمون من السنغال و الشطة من كينيا , مافيش أصناف أجود من إلى قدام حضرتك فى الدنيا كلها .
.... لكنى أكلت فى منامى كشرى له مذاق أشهى
.... ممكن يا باشا تحكى لى الحلم بالكامل .
.... شفت أننى قاعد فى قهوه عربى و داخلها بياع كشرى بعربة متحركة و و قاعد قدامى بتاع ورنيش و ببتلميع جزمتى و كان فيه ناس كتير معانا .
.... طلبك عندى يا باشا., بكره إن شاء الله حتلاقى طلبك جاهز .
فى اليوم التالى دخل الرجل الى الباشا و أبلغه بأن كل شيء تمام و الجميع منتظر فى سرادق تم إنشاؤه فى الحديقة, توجها معاً الى السرادق , ما أن دخلوا و كأن الحلم تحول الى حقيقة فهناك صوت المذياع بأغانى أم كلثوم و الجلسة البلدى على الأرض ( عبارة عن بعض المساند المملوئة بالقطن) و القهوجى يمشى نشطاً بين الزبائن يلبى الطلبات و هناك عدد من الشباب يلعبون الطاولة ( النرد ) و ماسح الأحذية يلف بين الزبائن و يطرقع على علبة الورنيش بالممسحة و فى ركن عربة الكشرى و البخار يتصاعد من أعلاها و فى ركن آخر بائع الذرة المشوية , فجلس الأثنان على إحدى المساند فجاء القهوجى.
.... ايوا جاى ..الباشا يشرب حاجه .
.... أنا عايز آكل كشرى اولاً.
.... حالاً .
المساعد .... يا باشا خلى بالك أن الكشرى حسب طلبك بمعنى أنها كلها منتجات وطنيه .
الباشا ....... انت مش واخد بالك أنى وطنى و تربيت و ترعرعت من تراب الوطن .
بائع الكشرى .. أتفضل يا باشا بالهناء و الشفاء .
أخذ الباشا الوزير فى ألتهام الطبق الشهى جداً و أثناء ذلك أقترب منه ماسح الأحذية قائلاً
.... تلمع يا بيه
الباشا ... أيوه يابنى بس عايزها مرايا .
أخرج ماسح الأحذية مفرش صغير قطنى من الكرتونة التى يحملها و فرشه على الأرض و خلع حذاء الوزير ووضع قدمه حافية على المفرش , جلس ماسح الأحذية بالقرب منه أثناء قيامه بتلميع الحذاء .
الباشا أنتهى من وجبة الكشرى و صفق فجاء القهوجى فطلب منه شاى مغلى و نادى على بائع الكشرى ..
الباشا .... الله ينور لقد أكلت اشهى طبق كشرى لم آكله من حوالى 25 سنه الله ينور عليك, ممكن أسألك سؤآل .
بائع الكشرى .... تحت أمرك.
الباشا .... منين جبت مكونات الكشرى .
البائع ... مش لازم يا باشا.
الباشا .... قول ولا يهمك .
البائع .... ممكن أقولك بس تحلف أنك مش حتقول لصاحب القصر .
الباشا .... أحلف يا سيدى و ما تخافش .
البائع .... الرز من من مصر و المكرونة من السعودية و العدس من سوريا و البصل من اليمن و و حاطط عليهم زيت سمسم من لبنان و الليمون من فلسطين و الشطة من السودان , و بسبب الحالة الأقتصادية الهابطه جدا أشترى بقايا و ليس كميات عشان الناس الغلابه تاكل يا بيه دول مش لاقيين اللضى .
وهنا تدخل ماسح الأحذية ... مرايا و الله يا بيه .
الباشا .... الله ينور عليك ..... قولى يا أسطى أنت بتكسب كام فى اليوم .
ماسح الأحذية .... كتير يا بيه فضل من عند الله
الباشا .... كام يعنى
ماسح الأحذية .... يوم خمسه و يوم سته أو أقل شويه .
الباشا .... عندك أولاد ؟
ماسح الأحذية .... خمسه و أمهم و أمى .
الباشا .... و المبلغ ده يكفى
ماسح الأحذية .... الحمد لله
الباشا .... و بتاكل ايه انت و همه .
ماسح الأحذية .... من بقايا الناس الطيبين .
الباشا .... و كيف تكسيهم ؟
ماسح الأحذية .... أولاد الحلال كتير .
الباشا .... أنت سعيد
ماسح الأحذية .... الحمد لله
الباشا .... ايه رأيك فى الحكومه
ماسح الأحذية .... هو فيه حكومه ؟
الباشا .... طبعاً
ماسح الأحذية .... مش متأكد
الباشا .... ليه
ماسح الأحذية .... لو كان فيه حكومه ماكنش يبقى ده حالنا , كله غالى , كله صعب , ممنوع نتكلم على حالنا ولا حال إخواننا
الباشا .... ما تتكلم فيه حد حايشك
ماسح الأحذية .... صاحب القصر الى أحنا فيه و زبانيته الأفاقين
الباشا .... أنت تعرفه
ماسح الأحذية .... ولا أعرفه ولا يشرفنى أنى أعرفه
الباشا .... ليه ؟
ماسح الأحذية .... هو عايش حياته بعيد عنا , مايعرفش إحنا محتاجين أيه , لو فكر شويه ممكن يكون كويس .
الباشا .... ليك حق
فى المساء لم ينم الباشا الوزير و أستغرق فى التفكير فى كل كلمة سمعها من بائع الكشرى و ماسح الأحذيه ...

فى الصباح استدعى مساعده و أبلغه بالقرار الأتى :-
منع بيع الكشرى الوطنى لأنه يجعل المواطنين يفكرون و تصيبهم الخزعبلات و الهلوسه .

[ندعوك للتسجيل في المنتدى أو التعريف بنفسك لمعاينة هذه الصورة]

حتى الكشرى كمان ده حرام والله خلاص الفقرا ياكلوا طوب وزلط

هههههههههههههههههههههههههههههههه
لو كان اخد قرار غير دة كنت شككت في وطنيته
هوكدة وطنى ابن وطنية

تسلم على الموضوع الجامد جدا
تقبل تحيتي ومروري

قصة روعة
هو الكشرى هايتمنع من امتى علشان اقول لماما تخزن شويه فى التلاجة
ياخوفى بكرة ممنوع الفول والطعمية
طيب ناكل ايه
انتو عارفين ناكل اية
؟
؟
؟
؟
؟
؟
؟
بعضينا
هههههههههههههههه

تسلم على الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههه

افضل قرار

ههههههههههههههههههه

حفاظا على الصحة العامة من التسمم باكشري

نعم الكشرى ضار جدا بالصحة
قرار سليم

قرار سليم جدا
الكشري سيتضاعف ثمنه بهذا الموضوع
شكرا

الف شكر على الموضوع الرائع

اشكرك على موضوعك الرائع وفى انتظار الجديد

سى فورس

مشكور اخى على الطرح

ههههههههههههههه

كويس جدا اصلى مش بحبه ولا بحب ريحته

تقريبا الراجل وصله كم استيائى من تداول الكشرى فمنعه

تفتكر اشكره ازاى يا عبقرى

شكرا للموضوع الجميل